नवी दिल्ली- रिओ ऑलिम्पिकमध्ये सिल्व्हर मेडल जिंकणाऱ्या पी.व्ही सिंधूचा डेनमार्क ओपनच्या पहिल्याचं फेरीत पराभवाला सामोर जावं लागलं आहे. डेन्मार्क ओपनच्या पहिल्या फेरीत भारताची पीव्ही सिंधू आणि चायनाच्या चेन युफेईमध्ये टक्कर झाली होती. या सामन्यात सिंधूचा पराभव झाला आहे. सिंधूला चायनाच्या चेन युफेईने २१-१७, २३-२१ असं हरवलं. 43 मिनिटं हा सामना रंगाला. याआधी जपान ओपनमध्येही सिंधूचं आव्हान दुसऱ्याच फेरीत संपुष्टात आलं होतं.
दोन्ही सेटमध्ये सामना अत्यंत अटीतटीचा झाला. सामन्याच्या पहिल्या सेटमध्ये सिंधूने जोरदार सुरूवात केली आणि 3-0 अशी आघाडी घेतली. पण त्यानंतर सामन्यात चायनाच्या चेनने कमबॅक केला आणि 9-9 अशी बरोबरी झाली. सिंधू आणि चेनमध्ये काँटेंकी टक्कर या सामन्यात पाहायला मिळाली. दोघींचे 17-17 गुण होइपर्यंत सामन्यात कोण जिंकणार ? याबद्दलचा अंदाज बांधणं कठीण होतं. पण त्यानंतर चायनाच्या चेनने एकमागे एक 4 गुण घेत पहिला सेट आपल्या नावे केला. पहिल्या सेटमध्ये झालेल्या पराभवाचं सिंधूवर आलं.
दुसऱ्या सेटमध्ये शानदार खेळी करत चेनने 7-3 अशी आघाडी घेतली.नंतर सिंधूने 4 गुण मिळवच सामन्यात कमबॅक केलं पण चेनने पुन्हा एकदा सिंधूच्या नेटवरील खराब परफॉर्मन्सचा फायदा उचलला आणि 15-11 ची आघाडी घेतली. दुसरा सामना 20-20 पर्यंत बरोबरीत होता. पण नंतर चेनने चांगली कामगिरी करत 23-21 ने दुसरा सेटही आपल्या नावे केला.
सायना नेहवाल दुसऱ्या फेरीत डेन्मार्क ओपन बॅडमिंटन स्पर्धेत भारतीय बॅडमिंटनपटूंनी आश्वासक कामगिरी केली आहे. भारताची फुलराणी सायना नेहवालने रिओ ऑलिम्पिक सुवर्णपदक विजेती कॅरोलिना मरीनला पहिल्याच फेरीत पराभवाचा धक्का दिला आहे. सायनाने मरीनवर सरळ दोन सेट्समध्ये २२-२०, २१-१८ अशी मात केली. याआधी ग्लास्गोत झालेल्या जागतिक बॅडमिंटन अजिंक्यपद स्पर्धेत सायना नेहवालने कांस्यपदकाची कमाई केली होती. पुढच्या फेरीत सायना नेहवालचा सामना थायलंड किंवा रशियाच्या प्रतिस्पर्ध्याशी होणार आहे.