लोकमत न्यूज नेटवर्कनवी दिल्ली : कार खरेदी करण्याचे स्वप्न यंदा महागले आहे. १ एप्रिलपासून देशात नवीन उत्सर्जन नियम बीएस-६ चा दुसरा टप्पा लागू झाला असून, बहुतांश सर्व कंपन्यांच्या कारच्या किमती ५ टक्क्यांपर्यंत वाढल्या आहेत.
कंपन्यांकडून जानेवारी, मार्च-एप्रिल आणि मेमध्ये पुन्हा किमती वाढविण्यात आल्या. किया इंडिया, एमजी मोटार इंडिया यांनी मार्चमध्ये आणि मारुती सुझुकी व महिंद्रा अँड महिंद्राने एप्रिलमध्ये दुसऱ्यांदा किमती वाढविल्या. होंडाने एप्रिलमध्ये काही मॉडेलच्या, तर टाटा मोटर्सने मेमध्ये व्यावसायिक वाहनांच्या किमती ०.६ टक्के ते ५ टक्के वाढविल्या. बीएस-६ च्या दुसऱ्या टप्प्यातील नियमांचे पालन करण्यासाठी कंपन्यांना कारमध्ये अतिरिक्त उपकरणे लावावी लागत आहेत. त्याचा बोजा कंपन्या हळूहळू ग्राहकांवर टाकत आहेत.
जूनमध्ये सप्टेंबरनंतर आणखी वाढणार किमतीn जूनमध्ये आणि सप्टेंबरनंतर कारच्या किमती वाढू शकतात. n ऑटोमोबाइल इंडस्ट्रीमधील तज्ज्ञ विशाल दामले यांनी सांगितले की, बीएस-६ अंमलबजावणीसाठी कंपन्या हळूहळू किमती वाढवित आहेत. n ३ ते २० हजार रुपयांपर्यंत किमती वाढू शकतात. सप्टेंबरनंतर आणखी ०.५% ते २% वाढ होऊ शकते.अशा वाढल्या किमतीएमजी मोटर इंडिया ३५-६० हजारमहिंद्रा अँड महिंद्रा १५-५१ हजार किया इंडिया ४०-५० हजारहोंडा १०-५० हजारमारुती सुझुकी ०८-१५ हजारटाटा मोटर्स ०३-१५ हजार