युवाईच्या मनात धकधक करणारी फटफटी म्हणजेच रॉयल एन्फिल्डच्या बुलेटचे Classic 350 हे खास मॉडेल लाँच करण्यात आले. या बुलेटची एक्स-शोरुम किंमत 1.62 लाख ठेवण्यात आली आहे. या बुलेटला खासकरून एअरफोर्स आणि लष्कराच्या जवानांना समर्पित केले गेले आहे. या बुलेटमध्ये एबीएस ही सुरक्षा प्रणाली बसविण्य़ात आली आहे.
बुलेटने भारतीयांच्या मनावर गारुड केले आहे. बुलेट जरी शान वाढविणारी असली तरीही बरेचजण तिचा मुळ सायलेन्सर बदलून मोठा आवाज म्हणजेच फायरिंग देणारा सायलेन्सर लावतात. हे कायद्याने चुकीचे आहे शिवाय ध्वनी प्रदुषणही होते. तसेच वेगात चालविल्याने अचानक ब्रेक लावल्यास घसरण्याची शक्यताही असते. परिवाहन मंत्रालयाने केलेल्या नियमांनुसार पुढील वर्षीपासून नव्या गाड्यांना एबीएस सारखी सुरक्षा प्रणाली देणे बंधनरकारक आहे.