अमरावती : पोलीस आयुक्तांच्या विशेष पथकाने नांदगावपेठ हद्दीत कारवाई करून रेतीची अवैध वाहतूक करणारे दोन ट्रक पकडले. ही कारवाई शनिवारी पहाटे करण्यात आली.
रहाटगाव ते जुना कठोरा नाक्यावर ट्रक क्रमांक एमएच ३० एव्ही १००८ मध्ये ट्रक चालक शेख साहेब शेख हमीद (२४,) हा अवैधरीत्या रेतीची वाहतूक करताना मिळून आला. पोलिसांनी ट्रकचे वजन केले असता ५०,५३० किलो मिळून आले.
नांदगावपेठ हद्दीत टोल नाक्याजवळ दुसरी कारवाई करण्यात आली. यात एमएच २७-बीएक्स १७९१ चा चालक संजय बिसेन मडावी हा अवैधरित्या रेतीची वाहतूक करताना आढळून आला. दोन्ही ट्रक पुढील कारवाईकरिता नांदगावपेठ पोलिसांच्या ताब्यात देण्यात आले. ही कारवाई पोलीस आयुक्त आरती सिंह यांच्या मार्गदर्शनात एपीआय पंकज चक्रे व त्यांच्या पथकाने केली. सदर पथकाने खोलापुरीगेट ठाणे हद्दीतील भाजीबाजार परिसरात कारवाई करून अवैध दारूसह ७,७५० रुपयांचा मुद्देमालसुद्धा शुक्रवारी रात्री जप्त केला.