आदिवासींचा फगवा आला रंगात...

धूलिवंदनानंतर मेळघाटातील आदिवासींमध्ये धूम सुरू झाली आहे फगव्याची.

लोकमत न्यूज नेटवर्कअमरावती: धूलिवंदनानंतर मेळघाटातील आदिवासींमध्ये धूम सुरू झाली आहे फगव्याची. या पारंपरिक उत्सवात पुढील पाच दिवस मेळघाटातील मुख्य रस्त्यांवर गैरआदिवासी (जांगडी) यांना अडवून फगवा अर्थात पैशांसाठी गीत-संगीताच्या तालावर मनधरणी केली जाणार आहे. आदिवासी पुरुष व महिलादेखील फगव्यासाठी रस्ता, वाहने अडवित असून, आदिवासी पारंपरिक गीत-संगीताचे माधुर्य या काळात आसमंतात पसरले आहे.