तीन गावे कंटेनमेंट झोनमध्ये

तालुक्यातील रहिमतपूर, मांजरी, म्हसला, ही तीन गावे कंटेनमेंट झोनमध्ये असून, केंद्रबिंदूपासून सात किलोमीटर परिसरातील येरंडगाव, दादापूर, अडगाव बू., सातरगाव, सावनेर, खिरसाना, निरसाना ही सहा गावे बफर झोनमध्ये आहेत. कंटेनमेंट व बफर झोनमधील काही गावे चांदूर रेल्वे पोलीस ठाण्याच्या हद्दीत, तर काही गावे नांदगाव खंडेश्वरमध्ये, तर काही गावे लोणी टाकळी पोलीस ठाण्याच्या हद्दीत आहेत.

ठळक मुद्देसहा गावे बफर झोनमध्ये : मांजरी म्हसला सॅनिटाईज्ड

लोकमत न्यूज नेटवर्कनांदगाव खंडेश्वर : तालुक्यातील मांजरी म्हसला येथील एका १६ वर्षीय मुलाचा कोरोना चाचणी अहवाल १० जूनला पॉझिटिव्ह आल्याने ११ जून रोजी येथील कंटेनमेंट झोन व बफर झोन घोषित करण्यात आले. या मुलाच्या संपर्कात आलेल्यांची यादी केली असून १७ जणांना संस्थात्मक विलगीकरणात ठेवण्यात आले आहेत.तालुक्यातील रहिमतपूर, मांजरी, म्हसला, ही तीन गावे कंटेनमेंट झोनमध्ये असून, केंद्रबिंदूपासून सात किलोमीटर परिसरातील येरंडगाव, दादापूर, अडगाव बू., सातरगाव, सावनेर, खिरसाना, निरसाना ही सहा गावे बफर झोनमध्ये आहेत. कंटेनमेंट व बफर झोनमधील काही गावे चांदूर रेल्वे पोलीस ठाण्याच्या हद्दीत, तर काही गावे नांदगाव खंडेश्वरमध्ये, तर काही गावे लोणी टाकळी पोलीस ठाण्याच्या हद्दीत आहेत. गुरूवारी सकाळी जिल्हा परिषदेचे उपमुख्य कार्यकारी अधिकारी तुकाराम टेकाडे यांनी प्रत्यक्ष आढावा घेतला. यावेळी गटविकास अधिकारी विनोद खेडकर, सहायक गटविकास अधिकारी विठ्ठलराव जाधव, तालुका वैद्यकीय अधिकारी साहेबराव इंगळे हे होते. दरम्यान सातरगाव प्राथमिक आरोग्य केंद्राची चमू गावात होती. यात सातरगाव प्राथमिक आरोग्य केंद्रातील वैद्यकीय अधिकारी डॉ. संतोष जाधव, डॉ.अंकुश सुकळकर, आरोग्य सहायक एच.बी.होळकर, आरोग्य सेवक किशोर धानोरकर, कोतवाल सचिन गोमासे, पोलीस पाटील संतोष चव्हाण, विकी देशमुख, तसेच आरोग्य विभागातील मंडळी होती. यापूर्वी १० जूनला रात्री ११ वाजता पंचायत समितीचे उपसभापती राजीव घोडे यांनी गावाचा आढावा घेतला होता.