अमरावती : बालकांचा मोफत व सक्तीच्या शिक्षणाचा अधिकार आरटीई कायद्यांतर्गत खासगी विनाअनुदानित शाळांमध्ये २५ टक्के राखीव जागांवर प्रवेशासाठी पात्रताधारक शाळांना ३० जानेवारीपर्यंत नोंदणी करता येणार आहे. शाळा नोंदणी प्रक्रियेसाठी केवळ ३ दिवसांचा कालावधी शिल्लक आहे. पात्रता असूनही नोंदणी न करणाऱ्या शाळांवर कायदेशीर कारवाई करण्याचा इशारा जिल्हा परिषदेच्या प्राथमिक शिक्षण विभागाकडून देण्यात आला आहे. जिल्ह्यातील खासगी विनाअनुदानित प्राथमिक शाळांमध्ये आरटीई प्रवेश प्रक्रिया राबविण्यासाठी जिल्हा प्राथमिक विभागाची तयारी सुरू झाली आहे. पहिल्या टप्प्यातील शाळा नोंदणीची प्रक्रिया गुरुवार, २१ जानेवारीपासून सुरू झाली असून आरटीई प्रवेशासाठी पात्र शाळेला वरील मुदतीत ऑनलाइन नोंदणी करण्याची संधी देण्यात आली आहे.
कोट
आरटीई प्रक्रियेतील शाळांनी केलेल्या नोंदणीची पडताळणी शालेय प्रवेशस्तर आणि रिक्त जागांचा तपशील तपाण्याबाबत अधिनस्त यंत्रणेला सूचना दिल्या आहेत. ज्या शाळा आरटीई प्रवेश प्रक्रियेसाठी पात्र आहेत त्यांनी शाळांची नोंदणी करावी.ज्या शाळा नोंदणी करणार नाहीत.अशा शाळांवर योग्य कारवाई केली जाईल.
- ई.झेड खान,
शिक्षणाधिकारी प्राथमिक