धामणगाव रेल्वे : तालुक्यातील एका गावातील ३५ वर्षीय विवाहितेचा विनयभंग करण्यात आला. पीडिता ही घरी एकटी असताना, आरोपी उडी मारून घरात शिरला. दत्तापूर पोलिसांनी आरोपी नितीन तराळे याचेविरूद्ध गुन्हा दाखल केला.
-----------------
हुंडयासाठी चांदूररेल्वेच्या माहेरवासिनीचा छळ
चांदूररेल्वे : येथील एका २० वर्षीय विवाहितेचा माहेराहून पैसे आणण्याचा तगादा लावत मानसिक व शारीरिक छळ करण्यात आला. याप्रकरणी चांदूररेल्वे पोलिसांनी अरुण ढोके, मोहित ढोके व एक महिला (तिघेही रा. मेहरबाबा कॉलनी, अमरावती) यांचेविरूद्ध गुन्हा दाखल करण्यात आला.
----------------
चारही नगरपंचायतींसाठी उमेदवारांची चाचपणी
तिवसा : जिल्ह्यातील धारणी, नांदगाव खंडेश्वर, भातकुली व तिवसा नगरपंचायतीचा पहिलावहिला कार्यकाळ नोव्हेंबर २०२० मध्ये संपुष्टात आला. मात्र, कोरोनामुळे निवडणूक कार्यक्रम घोषित करण्यात आला नाही. आता ग्रामपंचायत निवडणूक पार पडल्याने नगरपंचायतींचा कार्यक्रम घोषित होण्याची शक्यता आहे. त्यामुळे राजकीय पक्षांनी उमेदवारांची चाचपणी सुरू केली आहे.
----------------
सिमेंट रोड अतिक्रमणाने व्यापले
अमरावती : शहरातील जवळपास सर्वच सिमेंट रोड अतिक्रमणाने व्यापले आहे. आधीचे अरुंद रस्ते अतिक्रमणाने व्यापल्याने शहरातील अनेक प्रमुख मार्गाचे सिमेंटीकरण करण्यात आले. आता रस्ते रूंद बनलेत. मात्र ते वाहनचालक वा पादचाऱ्यांसाठी नव्हे तर, पार्किंग व अतिक्रमितांसाठी बांधले की काय, अशी शंका घेण्याइतपत शहराचे चित्र बिघडले आहे.
------------------