----------------------
युवकाला ताकिद देऊन मारहाण
अंजनगाव सुर्जी : पेट्रोलपंपाहून पेट्रोल भरून येत असताना रस्त्यात अडवून युवकाला दोघांनी लाथाबुक्क्यांनी मारहाण केल्याची घटना तहसील रोडवर रविवारी रात्री ८.३० च्या दरम्यान घडली. जाकीर खान युसुफ खान यांच्या कंपनीत काम करू नको, अशी ताकिद युवकाला दिली. सोहेब बेग सलीम बेग (१८, रा. काझापुरा) याच्या तक्रारीवरून अंजनगाव सुर्जी पोलिसांनी फैजान मुनाफ शेख आणि रेहान मुनाफ शेख (दोन्ही डब्बीपुरा) विरुद्ध गुन्हा नोंदविला.
---------------
३७ वर्षीय महिलेचा विनयभंग
पथ्रोट (अमरावती) : घरामागील अंगणात कपडे वाळत घालताना एकटी असल्याची संधी साधून ३७ महिलेला मागून कवट्यात पकडून विनयभंग केल्याची घटना रविवारी सकाळी ११ वाजता दरम्यान घडली. महिलेच्या तक्रारीवरून आरोपी सतीश प्रकाशराव वानखडे (३५) विरुद्ध पथ्रोत पोलिसांनी भादंविचे कलम ३५४ (अ), ५०६ अन्वये गुन्हा नोंदविला.