०६एएमपीच०२ - मतमोजणी करताना अधिकारी.
०६एएमपीएच०३ - मतदानासाठी उपस्थित ग्रामस्थ.
०६एएमपीएच०३ - पायउतार सरपंच नाना बेठेकर.
०६एएमपीएच०४ - मतदानासाठी उपस्थित महिला ग्रामस्थ.
-------------------------------------------------------------------------------------------------------------
गांगरखेड्याच्या सरपंचाविरुद्ध अविश्वास पारित, अमरावती जिल्ह्यातील पहिलीच घटना
नरेंद्र जावरे - चिखलदरा (अमरावती) : चार वर्षांपूर्वी थेट जनतेने निवडून दिलेले सरपंच नाना बुचा बेठेकर यांना जनतेनेच मतदान करून पायउतार केले. तालुक्यातील गांगरखेडा येथे सोमवारी पोळ्याच्या दिवशी लोकशाहीची ही अद्भुत किमया घडली. जिल्ह्यातील ही पहिलीच घटना ठरली आहे.
गांगरखेडा ग्रामपंचायतीच्या सरपंचपदी ३ डिसेंबर २०१७ रोजी थेट जनतेतून नाना बेठेकर यांची निवड झाली होती. ग्रामपंचायतीचा कारभार त्यांच्याकडून स्वमर्जीने व सदस्यांना विश्वासात न घेता चालविला जात तसेच विकासकामांकडे दुर्लक्ष केल्याचा ठपका ठेवत उपसरपंच प्रमोद मोरले, सदस्य मंगल मोरले, रामप्रसाद भुसुम, कापली काकडे, फुलकई मोरकर, मंगरू कासदेकर, गीता बिलवे, पूनम आठवले, लता रेचे या एकूण नऊ सदस्यांनी सरपंच नाना बेठेकरविरुद्ध अविश्वास प्रस्ताव तहसीलदार माया माने यांच्याकडे सादर केला होता. तेथून जिल्हाधिकारी कार्यालयाला तो पाठविण्यात आला. ६ सप्टेंबर रोजी विशेष सभेचे आयोजन करण्यात आले. त्यात झालेल्या मतदानात सरपंच नाना बेठेकर पायउतार झाले. निवडणुकीचे काम गटशिक्षणाधिकारी संदीप बोडके, शैलेश पालन, बंडू घुगे, रमेश मसराम, शुभम ठाकरे आदी अधिकारी-कर्मचाऱ्यांनी पहिले. यावेळी पोलिसांचा बंदोबस्त ठेवण्यात आला होता. पोलीस उपनिरीक्षक युवराज उईके व संजय तायडे, करुणा काळे, शिंगणे व पोलीस कर्मचारी हजर होते.
बॉक्स
२६१ मतदारांचा सहभाग, सरपंचाला ४९ मते
गांगरखेडा व तोरणवाडी या गावांची गटग्रामपंचायत आहे. सुमारे दीड हजार मतदार आहेत. तथापि, सोमवारी विशेष सभेच्या आयोजनानंतर जिल्हा परिषद शाळेत सकाळी ११ ते दुपारी १.३० या वेळेत घेतलेल्या मतदानात २६१ ग्रामस्थांनी सहभाग घेतला. गणपूर्ती झाल्याने मतगनणा करण्यात आली. त्यामध्ये १४ मते अवैध, ४९ मते सरपंच नाना बेठेकर यांना, तर १६८ मते विरोधात पडली.
बॉक्स
जनतेने बसविले अन उतरविलेही
थेट जनतेतून निवडलेले सरपंच सदस्यांचे ऐकत असल्याचा प्रकार अनेक ग्रामपंचायतींमध्ये पुढे आला आहे. त्यापैकी गांगरखेडा ग्रामपंचायतीमध्ये उपसरपंचासह नऊ सदस्यांनी अविश्वास अविश्वास प्रस्ताव सादर केला व कंटाळलेल्या जनतेनेच सरपंचाला मतदानाने पायउतार केले.