फोटो पी ०५ वीजिबल
कावली वसाड : येथूनच जवळ असलेल्या गव्हा निपाणी येथील रहिवासी किसन आहाके या शेतमजुराला ४३ हजार २०० रुपये वीजबिल आल्याने भरावे कसे या विवंचनेत आहाके पडले असल्याचे दिसत आहे. किसन आहाके यांचे वय ७० च्या घरात आहे. निराधारांच्या पेन्शनवर ते दाम्पत्य उपजिविका भागितात. अशातच इतक्या मोठ्या प्रमाणात बिल आल्याने मोठे संकट बनले असल्याचे त्यांच्या मुलाने यावेळी सांगितले.
गतवर्षीपासून बिल भरले गेले नाही. माफ होईल, अशी आशा होती. त्यामुळे मार्च महिन्यापासून बिल भरले गेले नाही. त्यामुळे बिलाची रक्कम वाढत गेली असली तरी या बिलात काही प्रमाणात संबंधित विभागाने सूट दिली तर काही रक्कम आम्ही भरू, अशी प्रतिक्रिया किसन आहाके त्यांच्या मुलाने सदर प्रतिनिधीजवळ बोलताना व्यक्त केली. सोबतच दुसऱ्या मीटरची केलं काही दिवसापासून त्यांच्या मुलाने मागणी केली परंतु अजून पर्यंत दुसरे मीटर मिळाले नसल्याची खंत यावेळी त्यांनी व्यक्त केली.