रुग्ण दुपटीचा कालावधी ११४ दिवसांवर
अमरावती : जिल्ह्यात कोरोना संसर्ग वाढत असल्याने कोरोना रुग्ण दुपटीचा कालावधी ११४ दिवसांवर पोहोचला आहे. आतापर्यंत ६९,५२७ कोरोनाग्रस्तांची नोंद जिल्ह्यात झालेली असल्याचे आरोग्य विभागाने सांगितले.
---------------
अन्य जिल्ह्यातील १३९ रुग्णांचा मृत्यू
अमरावती : जिल्ह्यातील रुग्णालयात कोरोना संसर्गाचा उपचार घेत असताना नागपूरसह जिल्हा सीमेलगतचे अन्य जिल्हे व मध्यप्रदेशातील १३९ रुग्णांचा मृत्यू झालेला आहे. या मृत्यूची नोंद जिल्ह्यातही घेतल्या जात आहे.
----------------
तुरळक पावसामुळे वातावरणात थंडावा
अमरावती : जिल्ह्यात तीन दिवसांपासून पावसाच्या तुरळक सरी व ढगाळ वातावरण असल्याने वातावरणात थंडावा निर्माण झालेला आहे. अंगाची काहिली करणाऱ्या उकाड्यापासून दिलासा मिळाला आहे.
--------------
जिल्ह्यात ८,९६१ ॲक्टिव्ह रुग्ण
अमरावती : कोरोनाचा संसर्ग वाढताच असल्याने उच्चांकी ८,९६१ ॲक्टिव्ह रुग्ण आहे. यापैकी २,०४६ रुग्णांवर विविध रुग्णालयात उपचार सुरू आहेत तर अन्य रुग्ण होम आयसोलेशनमध्ये असल्याचे आरोग्य विभागाने सांगितले.