चांदूर रेल्वे - (ता. प्र.)
फोटो - स्वरा २४ पी
चांदूर रेल्वे : आंतरराष्ट्रीय ॲबॅकस स्पर्धेत चांदूर रेल्वे येथील सात वर्षीय स्वरा खंडार हिने ५ मिनिट ३० सेकंदांमध्ये १०० प्रश्नांची उत्तरे देऊन प्रथम क्रमांक पटकावला. अरिस्टो किड्सतर्फे ही ऑनलाईन इंटरनॅशनल चॅम्पियनशिप आयोजित करण्यात आली होती. यामध्ये भारत, अमेरिका, ऑस्ट्रेलिया, जापान, श्रीलंका, नेदरलँड, आयर्लंड, नॉर्वे, यूके, फ्रांस, जर्मनी, झिम्बाबे, दुबई, कतार आदी २१ देशांतील विद्यार्थी सहभागी झाले होते. अथांग इन्स्टिट्यूट (पुणे) येथीस श्रद्धा सालस्कर यांच्या मार्गदर्शनात तिने परीक्षेची तयारी केली होती. आजोबा डॉ. वसंत खंडार, डॉ. सुषमा खंडार, काका अतुल खंडार, प्रियंका खंडार, वडील समीर खंडार व आई स्वाती खंडार यांनी तिचे कौतुक केले.