अमरावती : ग्रामपंचायतीच्या प्रशासकीय कामाचा मंगळवारी पंचायत विभागाचे डेप्युटी सीईओ दिलीप मानकर यांनी ग्रामसेवक, ग्रामविकास अधिकारी व विस्तार अधिकारी यांच्याकडून व्हिडीओ कॉन्फरन्सद्वारे आढावा घेतला.
...............................................
कठोरा नाक्यावर साचले पाण्याचे डबके
अमरावती : कठोरा नाका ते हर्षराजकडे जाणाऱ्या रस्त्यावर पावसाच्या पाण्यामुळे डबके साचले होते. यामुळे मंगळवारी सकाळी वाहनधारकांना मनस्ताप सहन करावा लागला. दुपारी मात्र रस्त्यावरील पाणी बाहेर काढण्यात आले.
.....................................................
झेडपी आमसभेची तयारी सुरू
अमरावती : जिल्हा परिषदेची आमसभा पुढील आठवडयात होऊ घातली आहे. त्यामुळे सामान्य प्रशासन विभागाने सभेची पूर्वतयारी सुरू केली आहे.
....................................................
पावसामुळे बांधकामाना अडथळा
अमरावती : सध्या पावसाचे दिवस असल्याने इमारत बांधकामाला अडथळा निर्माण होत आहे. सतत पाऊस पडत असल्याने घरांच्या छतावरील स्लॅबचे कामे खोळंबली आहेत.
........................................
खरीप पेरणीच्या कामाला वेग
अमरावती : ग्रामीण भागात खरीप पेरणीच्या कामाला वेग आला आहे. शेतकरी वर्ग सध्या खरीप हंगामातील पेरणीच्या कामात व्यस्त असल्याचे चित्र दिसून येत आहे.