चांदूर रेल्वे : डॉ. बाबासाहेब आंबेडकर व महात्मा फुले जयंतीनिमित्त चांदूर रेल्वे शहरातील मिलिंदनगर येथील समाजमंदिरात डॉ. बाबासाहेब आंबेडकर व महात्मा फुले जयंती उत्सव समिती तसेच पंचशील स्पोर्टिंग क्लबच्यावतीने रविवारी रक्तदान शिबिर पार पडले. यात ३३ रक्तदात्यांनी रक्तदान केले. माजी सैनिक सुमेध मेश्राम यांनी सपत्नीक रक्तदान केले.
जिल्हा सामान्य रुग्णालयाच्या रक्तपेढीने रक्तसंकलनाचे कार्य केले. वैद्यकीय अधिकारी डॉ. क्षार व रक्तपेढीचे जनसंपर्क अधिकारी अजय आगरकर तसेच आरोग्य कर्मचारी हजर होते. शिबिराकरिता पंचशील स्पोर्टिंग क्लबचे अध्यक्ष प्रफुल मकेश्वर, माजी सुभेदार जगन्नाथ गवई, नगरसेवक सतपाल वरठे, माजी नगरसेवक बंडू आठवले, विलास आठवले, सुमेध सरदार, सदस्य अजय राऊत, बबन वानखडे, राजेश गवई, सुरेश काकडे, सौरभ गायकवाड, आशिष वरठे, आकाश जवंजाळ, अश्विन पाटील, शिरीष गवई, स्वराज भगत, अनिकेत दाभाडे, अंकित वानखडे, अमोल आठवले, दादू आठवले, राहुल कांबळे, हेमंत आठवले, रोहित गवई, सुरेश गवई, सक्षम वानखडे आदींनी परिश्रम घेतले. शिबिराला नगर परिषदेचे अध्यक्ष शिट्टू सूर्यवंशी व डॉ. सुषमा खंडार यांनी भेट दिली.