अमरावती : बहुप्रतीक्षित राज्य पोलीस सेवा व आयपीएस अधिकाऱ्यांच्या बदलीचे आदेश गुरुवारी जारी करण्यात आले. यात जिल्हा ग्रामीण पोलीस अधीक्षक हरी बालाजी एन. यांची मुंबई पोलीस दलात उपायुक्त म्हणून बदली करण्यात आली आहे. एटीएस औरंगाबादचे पोलीस अधीक्षक अविनाश बारगळ हे अमरावती ग्रामीणचे नवे पोलीस अधीक्षक असतील, तर शहर आयुक्तालयातील उपायुक्त शशिकांत सातव यांची बदली अमरावती ग्रामीणचे अप्पर पोलीस अधीक्षक म्हणून करण्यात आली आहे.
बारगळ हे पोलीस आयुक्तालयात उपायुक्त म्हणून कार्यरत होते. चंद्रपूरचे एसडीपीओ नीलेश पांडे मोर्शीचे एसडीपीओ असतील. अमरावतीच्या एसडीपीओ पूनम पाटील या अमरावती शहर आयुक्तालयात सहायक पोलीस आयुक्त असतील. मोर्शीच्या एसडीपीओ कविता फडतरे यांची बदली नाशिक ग्रामीणमध्ये झाली आहे. मुंबईतील एम.एम. मकानदार यांची अमरावती आयुक्तालयात उपायुक्त म्हणून बदली करण्यात आली आहे. अमरावतीचे एएसपी श्याम घुगे हे मुंबईत उपायुक्त असतील.