अमरावती : राज्याच्या शालेय शिक्षण विभागाने २७ जानेवारीपासून पाचवी ते आठवीपर्यंतचे वर्ग सुरू करण्याचा निर्णय घेतला. त्या आनुषंगाने बुधवारी शाळेच्या पहिल्या दिवशी जिल्ह्यात ५६,७४० विद्यार्थ्यांनी उपस्थिती नोंदविण्याची माहिती शिक्षण विभागाने शासनाला पाठविली आहे.
१४ तालुके आणि महापालिका क्षेत्रातील पाचवी ते आठवीच्या एकूण १९८१ शाळा असून, विद्यार्थी संख्या १७५१९२ एवढी आहे.
शिक्षक ६८७७ एवढे आहे. शिक्षकेत्तर कर्मचारी संख्या १२०९ आहे. आतापर्यत ४७२२ शिक्षकांनी कोरोना चाचणी केली आहे.
त्यापैकी ५५ शिक्षक पॉझिटिव्ह आढळून आले आहे. तसेच १२०९ पैकी ९०० शिक्षकेत्तर कर्मचाऱ्यांनी कोरोना चाचणी केली असून, ११ जण पॉझिटिव्ह आढळून आले आहे. १९८१ पैकी १९०४ शाळा सुरू झाल्या आहेत. पहिल्या दिवशी १,७५,१९२ पैकी ५६,७४० विद्यार्थी उपस्थित होते. उपस्थित विद्यार्थ्यांची टक्केवारी ३२.३८ एवढी ठरली, तर ९१.०६ टक्के शाळा सुरू झाल्याची नाेंद करण्यात आली.
-------------------------
अशी आहे तालुकानिहाय विद्यार्थी उपस्थिती
अचलपूर-३२३१
अमरावती-५३८९
अंजनगाव सुर्जी-२७६८
भातकुली-२४१७
चांदूरबाजार-५१६२
चिखलदरा-४६९०
चांदूर रेल्वे-२६२५
दर्यापूर-५९८७
धामणगाव रेल्वे-२४२१
मोर्शी-४९६०
तिवसा-२७६२
वरुड-६३३७
अमरावती महापालिका क्षेत्र-१३,३२०