अमरावती : फ्लॅटच्या व्यवहारातून ऑटोतच आरोेपींनी महिलेचा विनयभंग केला. तसेच तिच्या हातातील बॅग हिसकण्याचा प्रयत्न केल्याची घटना गाडगेनगर ठाणे हद्दीतील पंचवटी चौकात गुरुवारी घडली.
नवसारी परिसरात रहिवासी असलेल्या ४८ वर्षीय महिलेच्या तक्रारीवरून आरोपी गोविंद भीमराव गतफणे (४२, रा. रुक्मिणीनगर परतवाडा), विलास विष्णुपंत जोशी (५३, रा. राजापेठ), प्रवीण अढावू (४३, रा. अमरावती) असे आरोपीचे नाव आहे. फिर्यादी यांचा यातील आरोपी विलास जोशी यांच्याशी परिचय असून, फ्लॅट खरेदी कराव्याचा असल्याने जोशी यांनी फिर्यादीची ओळख गोविंद गतफणेसोबत करून दिली. आरोपींनी फ्लॅटचे इसार घेऊन फसवणूक केल्याचे लक्षात आले. मात्र, आरोपींनी महिलेस पैसे परत करतो, असे सांगून ऑटोत बसवून ऑटो सुरू झाल्यानंतर गोविंद गतफणे याने फिर्यादीचा डावा हाता पिरगळला प्रवीण अढावू याने उजवा हात पकडून विलास जोशी याने बॅग हिसकण्याचा प्रयत्न केला. यावेळी महिलेने आरडाओरड केल्याने पंचवटी चौकात जमलेल्या लोकांनी आरोपीला पकडले. उर्वरित दोेन आरोपी घटनास्थळावरून पडून गेले. तसेच या ठिकाणी गस्तीवरील पोलिससुद्धा आले. आरोपीने फिर्यादीला धमकी देऊन विनयभंग केल्याची तक्रार महिलेने दिली. याप्रकरणी पोलिसांनी गुन्हा नोंदविला.