अमरावती : खोलापुरी गेट ठाणे हद्दीतील गांधी आश्रमाजवळ एक युवक हातात तलावर घेऊन लोकांमध्ये दहशत पसरवित असल्याची माहिती पोलिसांना मिळताच त्यांनी घटनास्थळावर जाऊन आरोपीला ताब्यात घेतले. ही घटना शुक्रवारी घडली. भारत मारोतराव आमटे (३०, रा. गांधी आश्रम) असे आरोपीचे नाव आहे. पुढील तपास पोलीस करीत आहेत.
-----------------
फ्रेजरपुरा पोलिसांची जुगार अड्ड्यावर धाड
अमरावती : फ्रेजरपुरा पोलिसांनी येथील मंडले गल्लीत विजू मंडे यांच्या घरात सुरू असलेल्या जुगार अड्ड्यावर धाड टाकून जुगाराच्या साहित्यासह ४३ हजार १२५ रुपयांचा मुद्देमाल जप्त केला. ही कारवाई गुरुवारी रात्री करण्यात आली. याप्रकरणी शुक्रवारी पोलिसांनी गुन्हा नोंदविला. प्रदीप रामचंद्र सहारे (३०, रा. प्रबुद्धनगर), अरुण रूपरावजी बनसोड (६६, रा. शिक्षक कॉलनी), पप्पू लक्ष्मण इंगोले (४३, रा. श्यामनगर), आकाश दिलीप गोफने(२१, रा. वडाळी), अनिल दादाराव पाठक (४५, रा. जिल्हा परिषद क्वार्टर), रवींद्र वामनराव निंभोरकर (४८, रा. चैतन्य कॉलनी), प्रवेश प्रलय वाघमारे (२४, रा. प्रबुद्ध मंडळ), विजू मंडले (रा. फ्रेजरपुरा) असे आरोपीचे नाव आहे.
---------------------------------------------------------
लक्ष्मीनगरात जुगार पकडला
अमरावती : गाडगेनगर ठाणे हद्दीतील लक्ष्मीनगर येथे पोलिसांनी कारवाई करून जुगाराच्या साहित्यासह ३७१० रुपयांचा मुद्देमाल जप्त केला. ही कारवाई गुरुवारी करण्यात आली. आरोपी शेख अबरार गोलू शेख सतार, मोहम्मद आसिफ शेख युनिस, सुरेश छाडू निखरे (सर्व रा. लक्ष्मीनगर) असे आरोपीचे नाव आहे.
------------------------------------------------------
अवैध दारू पकडली
अमरावती : फ्रेजरपुरा पोलिसांनी गवळीपुरा येथे कारवाई करून आरोपी भुरू पीरू रायलीवाले (रा. फ्रेजरपुरा) असे आरोपीचे नाव आहे. आरोपीच्या ताब्यातून ५७६० रुपयांची अवैध दारू जप्त केली.