--------------------------------------------------------------------------------------------------------------
चाकू घेऊन धुमाकूळ घालणाऱ्याला अटक
अमरावती : चाकू हातात घेऊन धुमाकूळ घालणाऱ्या आरोपीला नागपुरी गेट पोलिसांनी शुक्रवारी रतनगंज परिसरातून अटक केली. शेख फईम ऊर्फ अम्मू शेख अयूब (२१, रा. अन्सारनगर) असे आरोपीचे नाव आहे. त्याच्याकडून एक लोखंडी चाकू जप्त करण्यात आला आहे. पोलिसांनी आरोपीविरुद्ध कलम ४/२५ आर्म ॲक्टनुसार गुन्हा नोंदविला.
-------------------------------------
ट्रकची महावितरणच्या पोलला धडक
अमरावती : भरधाव ट्रकने विद्युत पोलला धडक दिल्याने महावितरणाचे ४० हजारांचे नुकसान झाले. या घटनेची तक्रार शेगाव सेंटरचे अभियंता परेश सुधाकर कनाके (३५, रा. एकवीरा कॉलनी) यांनी शुक्रवारी गाडगेनगर पोलिसांत नोंदविली. त्यानुसार पोलिसांनी ट्रक क्रमांक आरजे ११ जीए ३४९४ च्या चालकाविरुद्ध गुन्हा नोंदविला.
-----------
जुगार खेळविणाऱ्या इसमाला अटक
अमरावती: नागपुरी गेट पोलिसांनी शुक्रवारी रतनगंज परिसरात एक्का-बादशाहचा जुगार खेळविणाऱ्या एका आरोपीला अटक केली. शेख जहीर शेख मोबीन (४९, रा. द्वारकानगर) असे आरोपीचे नाव आहे. नागपुरी गेट पोलिस पथकाने गोपनीय माहितीवरून रतनगंज झोपडपट्टीजवळील जुगारावर धाड टाकली. शेख जहीरकडून १ हजार १०५ रुपयांचा मुद्देमाल जप्त केला.
----------------------------------------