टाकरखेड्यातील ‘त्या’ दाव्याचे अंनिसकडून सत्यशोधन

किशोर मोकलकर

;

फोटो पी १२ आसेगाव फोल्डर

आसेगावपूर्णा : रहस्यमय आगीमुळे आपल्या घरातील काही कपडे पेटत असल्याच्या पातालबन्सी कुटुंबांच्या दाव्याचे शनिवारी अखिल भारतीय अंधश्रद्धा निर्मुलन समितीने सत्यशोधन केले. स्थानिक पोलिसांच्या सहकार्याने ‘टिम ‘अभाअंनिस’ने दाव्याची पडताळणी केली. सदर प्रकार हा मानवी हस्तक्षेपातून घडला आहे, असा निष्कर्ष अभाअंनिसने नोंदविला आहे.

‘लोकमत’ मध्ये प्रकाशित वृत्ताची तातडीने दखल घेत अखिल भारतीय अंधश्रध्दा निर्मुुलन समितीचे राष्ट्रीय कार्यकारिणी सदस्य गणेश हलकारे, शेखर पाटील, हरीष केदार, राजू खिराडे,उल्का पाटील, कांचन दावेदार, सुनील पापडकर, ज्ञानेश्वर दाहेदार, संजय जिचकार, रवींद्र कोडे, प्रकाश कळसकर यांनी शनिवारी टाकरखेडा पुर्णा गाठून पातालबन्सी कुटुंबियांशी चर्चा केली. त्यांचेकडून एकंदर प्रकरण जाणून घेतले. तथा ती आग रहस्यमय नसून मानवी हस्तक्षेपामुळे लागली असल्याचा निष्कर्ष काढला. यावेळी आसेगावचे सहायक पोलिस निरीक्षक समाधान वाठोरे, सतीश प्रधान हे त्यांच्यासमवेत होते. घटनेची पडताळणी करून पुन्हा असा प्रकार होणार नसल्याचे समितीने कुटूंबाला सांगितले.

विद्युत पुरवठा जोडला

पातालबंसी कुटुंबाच्या घरात घडणाºया आगीच्या मुळाशी शॉर्ट सर्किट असल्याच्या संशयामुळे विद्युत पुरवठा बंद करण्यात आला होता. तो आता पुर्ववत करण्यात आला.

पातालबंसी कुटुंबीयांची पडताळणी

अभाअंनिसने पातालबन्सी कुटुंबातील एका-एका सदस्याची बंद दाराआड पडताळणी केली. सर्वांंची पडताळणी झाल्यानंतर सर्वांना एकत्र बसून पुन्हा आपल्या घरात असा प्रकार होणार नाही, असे समितीने कुटुंबीयांना आश्वासन दिले. कुटुंबीयांनीही दोन तीन दिवसांपासून असला प्रकार होत नसल्याचे सांगितले.

कोट

सदर प्रकरणाचे सत्यशोधन केल्यानंतर हा प्रकार अमानवीय वा कुठल्याही शक्तीने घडत नसून तो मानवी हस्तक्षेपामुळे घडला आहे. समितीच्या धोरणानुसार संबंधितांचे नाव जाहिर करता येणार नाही. हा प्रकार आता बंद होईल.

गणेश हलकारे,

राष्टÑयि कार्यकारिणी सदस्य

अभाअंनिस

-----