मनीष तसरे, अमरावती : शहर पोलिसांच्या ७४ पदांसाठी पोलीस विभागाने २८६५ उमेदवारांची मैदानी चाचणी घेतली होती. त्यापैकी १४३१ उमेदवार मैदानी चाचणीत उत्तीर्ण झाले असून यातील ९२९ उमेदवारांची लेखी परीक्षा अमरावतीच्या विद्याभारती महाविद्यालयात लेखी परीक्षा सुरू झाली आहे. तर अतिशय पारदर्शक पद्धतीने ही प्रक्रिया राबविली जाणार असून अफवांना व गैरप्रकारांना कोणीही बळी पडू नये, असे आवाहन अमरावतीचे पोलीस आयुक्त नवीनचंद्र रेड्डी यांनी केले आहे.
पुढील १५ दिवसात लेखी परीक्षेत उत्तीर्ण झालेल्या उमेदवारांना नियुक्तीपत्र देण्याचेही नियोजन पोलीस खात्याने केले आहे. लेखी परीक्षेचा वेळ ११ ते १२:३० च्या दरम्यान ठेवण्यात आलेला आहे.