राजुरा बाजार : येथील प्राथमिक आरोग्य केंद्राला बहुप्रतीक्षित रुग्णवाहिका सोमवारी जिल्हा परिषद सदस्य राजीव बहुरूपी यांच्या उपस्थितीत हस्तांतरित करण्यात आली.
आमदार देवेंद्र भुयार यांच्या अध्यक्षतेखाली कार्यक्रम पार पडला. ऑक्सिजन मॉनिटरयुक्त रुग्णवाहिका बऱ्याच प्रतीक्षेनंतर वैद्यकीय अधिकारी डॉ. आकाश राऊत, डॉ. शुभा शेळके यांच्या स्वाधीन करण्यात आली. जिल्हा परिषद सदस्य राजीव बहुरूपी यांनी यासाठी पाठपुरावा केला होता.
कार्यक्रमाला बाळासाहेब कोहळे, तालुका काँग्रेस अध्यक्ष बाबाराव बहुरूपी, तालुका आरोग्य अधिकारी अमोल देशमुख, सरपंच नीलेश धुर्वे, उपसरपंच प्रशांत बहुरूपी, पंचायत समिती सदस्य सिंधी करनाके, माजी उपसभापती दिलीप भोंडे, ग्रामपंचायत सदस्य किशोर गोमकाळे, रजनी भोंडे, मनोहर भोंडे, रवींद्र जोगेकर, प्रशांत शिरभाते, कल्पना डाफे, प्रतिभा दाभाडे, ज्ञानेश्वर यावले, बाबाराव मंगरूळकर, डॉ. विजय बहुरूपी, सुधाकर डाफे, शेषराव निमजे, नामदेव कठाणे, नितीन बहुरूपी, राहुल श्रीराव, आत्माराम पखाले, सुरेंद्र काकडे, विकास भोंडे, निखिल भोंडे, किशोर हेलोडे, सागर राऊत आदी उपस्थित होते.