४५ दुचाकीस्वारांवर पोलिसांची कारवाई

स्वातंत्र्य दिनाच्या जल्लोषात रस्त्यावर धूम स्टाईलने दुचाकी चालविणाºया ४५ वाहने पोलिसांनी डिटेन केले.

ठळक मुद्देरॅश ड्रायव्हिंग : रस्त्यांवरील वाहतूक ठप्प

लोकमत न्यूज नेटवर्कअमरावती : स्वातंत्र्य दिनाच्या जल्लोषात रस्त्यावर धूम स्टाईलने दुचाकी चालविणाºया ४५ वाहने पोलिसांनी डिटेन केले. त्यांच्यावर रॅश ड्राईव्हींग कायद्याच्या कलमान्वये कारवाई करण्यात आली आहे.१५ आॅगस्ट रोजी स्वातंत्र्य दिनी शहरातील विविध शाळा-महाविद्यालयात कार्यक्रमाचे आयोजन करण्यात आले होते. त्यामुळे शाळकरी मुलांसह महाविद्यालयीन विद्यार्थ्यांची मोठ्या प्रमाणात गर्दी उसळली होती. स्वातंत्र्य दिनाचा उत्साहात जल्लोष करताना काही बेभान वाहन चालक रस्त्यावरून वेगाने वाहने चालवून वाहतूक नियमांचे उल्लंघन करताना आढळून आले. कर्कश हार्न वाजविणे, क्षमतेपेक्षा जास्त वाहतूक करणे, स्टंटबाजी करणे आदी प्रकारे काही वाहन चालक नियमांचे उल्लंघन करीत होते. सदर कारवाई सर्वच पोलीस ठाण्याच्या हद्दीत कारवाई करण्यात आली आहेत. वाहतूक शाखा, कोतवाली व राजापेठ पोलीस ठाण्याच्या हद्दीत सर्वाधिक कारवाई करण्यात आली असून तब्बल ४५ वाहनांना डिटेन करण्यात आले होते.कार चालकाने तिघांनाउडविण्याचा प्रयत्नबियाणी चौकात पोलिसांनी एका कार चालकाला थांबविण्याचा प्रयत्न केला होता. मात्र, त्याने कार वेगाने नेऊन पोलिसांना प्रतिसाद दिला नाही. त्यामुळे पोलिसांनी कारचा पाठलाग केला. दरम्यान कारने तिन गाड्यांना उडविण्याचा प्रयत्न केला. मात्र, सुदैवाने अपघात घडला नाही. अखेर कार चालकाला गाडगेनगर ठाण्याच्या हद्दीत पकडण्यात आले.महिला बचावलीगाडगेनगर परिसरातील रोडवरून एक दुचाकीस्वार फुग्याला धागा बांधून हवेत उडवित भरधाव जात होता. दरम्यान मागील दुचाकीवर असणाºया एका महिलेच्या गळ्यात फुग्याचा धाग अडकला. हा प्रकार दिसताच काही नागरिकांनी आरडाओरड करून दुचाकीस्वारास थांबण्यास सांगितले. दुचाकी थांबल्यानंतर महिलेच्या गळ्यात अडकलेल्या धागा काढला. थोडाही विलंब झाला असता तर त्या महिलेचा गळा चिरला जाण्याची शक्यता नाकारता येत नव्हती.