घुसरवाडी, म्हातोडी, कासली बु, कासली खु., लाटखोडा बु., लाटखेडा खु. या गावांना खांबोरा पाणी पुरवठा नळ योजनेद्वारे पाणी पुरवठा केला जातो. परंतु, मागच्या महिन्यात खांबोरा पाणी पुरवठाचे विद्युत बिल न भरल्याने विद्युत पुरवठा खंडित केला होता व त्यामुळे काही दिवस पाणी पुरवठा बंद होता तसेच वादळी वाऱ्यामुळे काही गावांत पाणी मिळाले नाही. त्यातच ४ मे सोमवारच्या रात्री अज्ञाताने पाण्याची पाईपलाईन फोडली. पाईपलाईन फाेडल्याची माहिती जिल्हा परिषद पुरवठा अधिकारी चव्हाण यांना देण्यात आली. चव्हाण यांनी अज्ञाताविरुद्ध अकोट फाइल पोलीस ठाण्यात फिर्याद दिली.
फोटो:
पिण्याच्या पाण्याची पाईपलाईन तीन वेळा फोडल्यामुळे हजारो लिटर पाण्याचा अपव्यय झाला. अज्ञाताविरुद्ध तक्रार केली आहे. अज्ञात व्यक्तीचा शोध घेऊन कारवाई करण्यात येईल.
- चव्हाण, पाणी पुरवठा अधिकारी, जिल्हा परिषद