अकोला महापालिकेतील कला शिक्षकांची नियुक्ती नियमबाह्यच!

शिक्षकांच्या वेतनाचा भार मनपाने उचलण्याचा शेरा शिक्षण उपसंचालक राम पवार यांनी नमूद केला.

आशिष गावंडे /अकोलामहापालिकेतील अस्थायी ३१ कला शिक्षकांची नियुक्ती नियमबाह्य असल्यामुळे या शिक्षकांच्या वेतनाचा भार मनपाने उचलण्याचा शेरा शिक्षण उपसंचालक राम पवार यांनी स्पष्टपणे नमूद केला. कला शिक्षकांना २0१२-१३ मध्ये अदा केलेली पाचव्या वेतन आयोगाची २ लाख १४ हजारांची रक्कम नियमबाह्यरीत्या दिल्याचा ठपका ठेवत या शिक्षकांच्या वेतनाचा भार मनपा प्रशासनाने उचलण्याचे मत त्यांनी नोंदवले. वेतनाच्या ह्यऑनलाईनह्ण प्रक्रियेत कला शिक्षकांच्या समायोजनाचा मुद्दा उपस्थित झाला असून, यावर आयुक्त डॉ.महेंद्र कल्याणकर यांनी ठोस निर्णय घेण्याची आवश्यकता आहे.मुंबई उच्च न्यायालयाच्या नागपूर खंडपीठात नऊ कला शिक्षकांना सेवेत कायम करून त्यांना सन १९९४ पासून वेतन श्रेणी लागू करण्याच्या मागणीसाठी याचिका दाखल असून, ती न्यायप्रविष्ट आहे. या प्रकरणातील तांत्रिक व कायदेशीर बाजू जाणीवपूर्वक न तपासता, १0 ऑक्टोबर २0१३ च्या सभेत ३१ कला शिक्षकांना सेवेत कायम करण्याबाबतचा ठराव ऐन वेळेवरील विषयांमध्ये मंजूर करण्यात आला होता. या प्रकाराला ह्यलोकमतह्णने वाचा फोडताच, संपूर्ण प्रशासकीय यंत्रणा हादरली. नेमक्या याच मुद्यावर शिक्षण उपसंचालक राम पवार यांनी आक्षेप नोंदवले आहेत. अस्थायी कला शिक्षकांची नियुक्ती नियमबाह्य व प्रकरण न्यायप्रविष्ट असताना, त्यांना पाचव्या वेतन आयोगाची रक्कम दिली कशी, असा सवाल शिक्षण उपसंचालकांनी उपस्थित केला. शिवाय अतिरिक्त शिक्षकांचे समायोजन केल्यानंतरच ह्यऑनलाईनह्ण वेतन प्रणालीचा मार्ग खुला होणार आहे. सद्यस्थितीत ५५ मनपा शाळेत कार्यरत ३२४ शिक्षकांपैकी संच मान्यतेनुसार ३0 शिक्षक अतिरिक्त ठरले. अशावेळी ३१ अस्थायी कला शिक्षकांचे समायोजन करायचे की आस्थापनेवरील कायम शिक्षकांचे, या मुद्यावर शिक्षण विभाग बुचकळ्य़ात पडला आहे. सेवेतील कायम शिक्षकांचे समायोजन केल्यास, तो अन्याय ठरण्याची शक्यता आहे. या मुद्यावर शिक्षण विभागाने आयुक्तांकडे सादर केलेली फाईल मुख्य लेखा परीक्षक सुरेश सोळसे यांच्याकडे पाठवण्यात आली. मुळात सेवेतील कायम व अस्थायी कला शिक्षकांच्या समायोजनासंदर्भात मुख्य लेखा परीक्षकांनी निर्णय घेणे अपेक्षित असताना त्यांनी कला शिक्षकांच्या पाचव्या व सहाव्या वेतन आयोगातील रकमेवर आक्षेप नोंदवल्याची माहिती आहे. कला शिक्षकांच्या प्रकरणात अनेकांचे हितसंबंध असल्याने यावर आयुक्त डॉ. महेंद्र कल्याणकर यांनी ठोस निर्णय घेण्याची गरज आहे.