तेल्हारा तालुक्यातील ग्राम कोठा येथील रहिवासी सागर साहेबराव हेरोडे यांनी दिलेल्या तक्रारीनुसार, त्यांनी दुचाकी क्रमांक (एमएच ३०, वाय ११४५) ग्रामीण रुग्णालयात दि. २ जून रोजी उभी केली होती. त्याच दिवशी सकाळी १०.३० वाजताच्या सुमारास अज्ञात चोरट्याने लंपास केली. शोध घेऊनही मोटरसायकल दिसून न आल्याने शुक्रवार, दि. ४ जून रोजीत दिलेल्या फिर्यादीनुसार, तेल्हारा पोलिसांनी अज्ञात आरोपीविरुद्ध भादंविच्या ३७९ कलमानुसार गुन्हा नोंदविला आहे. पुढील तपास पोलीस निरीक्षक नितीन देशमुख यांच्या मार्गदर्शनाखाली हेड कॉन्स्टेबल सुरेश काळे करीत आहेत.
-----------------------
अपघातात दोन जण जखमी
बार्शीटाकळी: तालुक्यातील महान-पिंजर रस्त्यावर दुचाकी व कारच्या अपघातात दोन जण जखमी झाल्याची घटना शुक्रवारी सकाळच्या सुमारास घडली. बार्शीटाकळी तालुक्यातील महान-पिंजर मार्गावर दगडपारवा नजीक कार क्र. (एमएच ३० ए १८३१) व दुचाकी क्रमांक (एमएच ३७ डी ५०५८) मध्ये धडक झाल्याने अपघात घडला. अपघात एवढा भीषण होता की दुचाकीचे मोठ्या प्रमाणात नुकसान झाले. या अपघातात दोन जण जखमी झाल्याची माहिती आहे.
--------------------