मूर्तिजापूर: शहर पोलीस स्टेशन अंतर्गत येत असलेल्या खरब ढोरे मार्गावर एका ५५ वर्षीय दुचाकीस्वारास अज्ञात वाहनाने धडक दिल्याने दुचाकीस्वार जागीच ठार झाल्याची घटना रविवार, ३ जानेवारी रोजी सायंकाळी ७ वाजताच्या सुमारास घडली.
येथील स्टेशन विभागातील सत्संग भवन परिसरात राहणारे दशरथ राम सुपले हे सायंकाळी ७ वाजताच्या सुमारास त्यांच्या शेतातून एमएच ३० एजी १४४६ या क्रमांकाच्या दुचाकीवरून घरी परत येत असताना अंधारात अज्ञात वाहनाने दुचाकीस जोरदार धडक दिली. त्यांच्या डोक्याला गंभीर दुखापत झाली, त्यात ते घटनास्थळीच ठार झाले. ग्रामस्थांनी येथील वंदेमातरम आपत्कालीन पाचारण करून त्यांना तातडीने लक्ष्मीबाई देशमुख उपजिल्हा रुग्णालयात नेण्यात आले असता त्यांचा मृत्यू झाल्याचे डॉक्टरांनी सांगितले.