- विजय शिंदे
अकोटःअकोट तालुक्यातील पणज येथील बेपत्ता झालेल्या दोन मुले शेतशिवारातील विहीरीत पडलेले आढळुन आले. त्यापैंकी एका मृत्यू झाला असुन दुसरा मुलगा रात्रभर मृतदेह जवळ विहीरात बसुन होता. ही घटना शनिवारी ३० मे रोजी सकाळी उघडकीस आली. या घटनेमुळे परिसरात खळबळ उडाली. तालुक्यातील पणज येथील गणेश नथ्थूजी बोचे(वय२२) व तेजस राजु जीवनवाल (वय१५) ही दोन मुले २९ मे रोजी दुपारी सायकल घेवुन फिरायला गेली होती. सांयकाळपर्यंत परत आले नसल्याने सर्वत्र शोधाशोध घेतला,पंरतु आढळून आले नाही. त्यामुळे त्यांचे फोटो सोशल मिडीयावर व्हायरल करण्यात आले होते. गावकरी व नातेवाईकांनी शोध घेतला. पंरतु सकाळी राजु गडेकर यांच्या शेतातील विहीरीजवळ सायकल आढळून आली. विहीरीत पाहले असता तेजस राजु जीवनवाल (वय१५) या मुलांचा मृतदेह तर दुसरा गणेश नथ्थूजी बोचे(वय२२) हा मुलगा जिवंत असल्याचे दिसुन आले. घटनास्थळी अकोट ग्रामीण पोलीस पोहचले, गावकऱ्यांच्या मदतीने मृतदेह, तर दुसऱ्या मुलाला जिवंत बाहेर काढण्यात आले. घटना कशी घडली यांचा शोध पोलीस घेत आहेत.पुढील तपास ग्रामीण ठाणेदार ज्ञानोबा फड करीत आहेत.