नांदुरा (बुलडाणा) : नांदुर्याकडे प्रवासी घेवून जाणार्या टाटा मॅजिक आणि नांदुर्याकडून मलकापूरकडे जाणार्या टाटा ४0७ या दोन वाहनांमध्ये धडक होवून झालेल्या अपघातात टाटा मॅजिकमधील दोन प्रवाशांचा मृत्यू, तर ९ जण जखमी झाले. जखमींपैकी ५ जणांची प्रकृती गंभीर असल्याने त्यांना खामगाव येथे हलविण्यात आले आहे. राष्ट्रीय महामार्गावर नायगाव फाट्यानजिक गुरूवारी दुपारी दीड वाजताच्या सुमारास हा अपघात घडला. टाटा मॅजिक क्र. एमएच २८ आर ३0८६ आणि टाटा ४0७ क्र. एमएच 0४-८७0६ या वाहनांची जोरदार धडक होवून, शेख नईम शेख अश्फाक (वय ६0, रा. वडनेर भोलजी) आणि मलनखान रहेमानखान (वय ४५ रा. नांदुरा) या दोघांचा जागीच मृत्यू झाला. या अपघातात गुंफाबाई भिकाजी ठाकरे (वय ५0, रा. वडनेर भोलजी), डिगांबर हिवराळे (वय ५0, रा. डिघी), शांताबाई नारायण गुंजकर (वय ६0, रा. खामखेड), राजेंद्र रामभाऊ येनकर (वय ३0, रा. वडगाव डिघी) आणि सखाराम नवृत्ती वनारे (रा.धानोरा जंगम) हे पाच जण गंभीर जखमी झाल्याने त्यांना तात्काळ खामगाव येथे हलविण्यात आले. इतर चार जखमींवर जखमींवर नांदुरा येथे उपचार सुरु आहेत.
*रुग्णवाहिका बंद
नांदुरा प्राथमिक आरोग्य केंद्र हे राष्ट्रीय महामार्गावर असल्याने, १0८ क्रमांकावर उपलब्ध असलेली येथील रूग्णवाहीका सुसज्ज असणे आवश्यक असते; मात्र येथील रुग्णवाहिकेचे टायर फुटल्याने २ महिन्यापासून रुग्णवाहिका बंद आहे. त्यामुळे अपघातातील रुग्णांना वेळेवर रुग्णसेवा न मिळाल्याने उपस्थितांनी संताप व्यक्त केला.