तळेगाव डौला येथे एकाच दिवशी विनयभंगाच्या दोन घटना

गावातील ४६ वर्षीय विधवेच्या तक्रारीवरून आरोपी हरिदास रामदास बिल्लेवार, ज्योती हरिदास बिल्लेवार यांच्याविरुद्ध तेल्हारा पो.स्टे.मध्ये भादंविच्या ४५२, ३५४, ३२३, ५०४, ५०६, ३४ कलमान्वये कारवाई करण्यात आली आहे. फिर्यादी स्वत:च्या घरी खाटेवर झोपलेली असताना आरोपी हरिदास याने तिचा वाईट हेतूने हात पकडून विनयभंग केला. आरोपी हरिदास व ज्योती यांनी संगनमत करून फिर्यादीस विटांनी मारहाण करून शिवीगाळ करून जीवाने मारण्याची धमकी दिली, तर दुसऱ्या घटनेत २५ वर्षीय फिर्यादी महिलेच्या तक्रारीवरून आरोपी विक्की रमेश बिल्लेवार रा. तळेगाव डौला, सागर लक्ष्मण भगेवार रा. मुंडगाव ता. अकोट यांच्याविरुद्ध भादंविच्या ४५२, ३५४, ३२३, ५०४, ५०६, ३४ कलमान्वये तेल्हारा पोलिसांनी गुन्हे दाखल केले आहेत. १८ फेब्रुवारी रोजी सायंकाळी ७.३० वाजता फिर्यादी घरी हजर असताना आरोपींनी संगनमताने फिर्यादीचा हात वाईट उद्देशाने पकडून विनयभंग केला. फिर्यादी आरोपींना समजावण्यास गेली असता आरोपींनी काठीने मारहाण करून फिर्यादीस शिवीगाळ व जीवे मारण्याची धमकी दिली. या प्रकरणी पो. नि. दिनेश शेळके यांच्या मार्गदर्शनाखाली हेकॉ. रामेश्वर वाकोडे पुढील तपास करीत आहेत.