मूर्तिजापूर : राष्ट्रीय महामार्गावरील माना पोलीस स्टेशनअंतर्गत येत असलेल्या जामठी फाट्याजवळ ट्रक-दुचाकीच्या अपघातात दोन जण ठार झाल्याची घटना दि. २२ जून रोजी सकाळी १०:३० वाजताच्या दरम्यान घडली.
अमरावतीहून अकोल्याच्या दिशेने जात असलेल्या ट्रक क्रमांक(सीजी ०४ एनसी ५०९९)ने दुचाकी क्रमांक(एमएच ३० बीएम ४०९७)ला समोरासमोर जोरदार धडक दिल्याने दुचाकीस्वार संतोष रमेश शिंदे (३५), प्रकाश गंगाराम जाधव (३७) रा. मासा (सिसा) बोरगाव हे दोघे ठार झाले. अपघात एवढा भीषण होता की त्यातील एक जण घटनास्थळीच ठार झाला, तर दुसऱ्याचा उपचारादरम्यान मृत्यू झाला. घटनेची माहिती कळताच माना पोलीस घटनास्थळी दाखल झाले होते. मृताला व जखमीला येथील लक्ष्मीबाई देशमुख उपजिल्हा रुग्णालयात उपचारार्थ दाखल केले. परंतु डॉक्टरांनी दोघांनाही मृत घोषित केले. अधिक तपास ठाणेदार संजय खंडारे यांच्या मार्गदर्शनाखाली माना पोलीस करीत आहेत.
(फोटो)