अकोला : लाखो भाविकांचे श्रद्धास्थान असलेल्या बालाजीला जाण्यासाठी सोयीस्कर असलेल्या अकोला ते तिरुपती व तिरुपती ते अकोला या गाडीला प्रवाशांकडून प्रचंड प्रतिसाद मिळत आहे. प्रवाशांची वाढती मागणी लक्षात घेता दक्षिण-मध्य रेल्वेने तिरुपती-अकोला-तिरुपती या साप्ताहिक गाडीला आणखी मुदतवाढ देण्याचा निर्णय घेतला असून, आता ही गाडी जानेवारीअखेरपर्यंत धावणार आहे.
दक्षिण-मध्य रेल्वेच्या नांदेड विभाग कार्यालयाकडून देण्यात आलेल्या माहितीनुसार, ०७६०५ तिरुपती-अकोला ही विशेष रेल्वेगाडी जानेवारी महिन्यातील दर शुक्रवारी ७, १४, २१ व २८ तारखेला तिरुपती स्थानकावरून १२.३० वाजता रवाना होऊन अकोला येथे दुसऱ्या दिवशी १२.१५ वाजता पोहोचणार आहे. ०७६०६ अकोला-तिरुपती ही विशेष रेल्वेगाडी जानेवारी महिन्यातील दर रविवारी ९, १६,२३ व ३० तारखेला अकोला स्थानकावरून ०८.२० वाजता रवाना होऊन तिरुपती स्थानकावर ०६.२६ वाजता पोहोचणार आहे.