ठळक मुद्देयुवा शेतकर्याने शेतामध्ये गळफास घेऊन आत्महत्या केल्याची घटना
अकोट : अकोट तालुक्यातील बोर्डी येथे २३ वर्षीय मंगेश रामभाऊ नाचनकर या युवा शेतकर्याने शेतामध्ये गळफास घेऊन आत्महत्या केल्याची घटना १ नोव्हेंबर रोजी उघडकीस आली.पोलिसांनी दिलेल्या माहितीनुसार, मंगेश नाचनकर हा कासोद शिवपूर शेतशिवारातील शेतात सकाळी पिकांना पाणी देण्याकरिता गेला होता. या ठिकाणी त्याने निंबाच्या झाडाला गळफास घेऊन आत्महत्या केल्याचे दुपारच्या सुमारास उघडकीस आले. मंगेश याच्यावर बँकेचे कर्ज आहे. कर्जबाजारीपणा व शेतातील पिकांची परिस्थिती पाहून त्याने आत्महत्या केल्याचे त्याच्या नातेवाइकांनी सांगितले. याप्रकरणी अकोट ग्रामीण पोलीस स्टेशनमध्ये प्रमोद रामकृष्ण नाचनकर यांच्या फिर्यादीवरून अकस्मात मृत्यूची नोंद करण्यात आली आहे.