नाल्यावरील ढापा क्षतिग्रस्त; अपघाताची शक्यता
पातूर : शहरातील मुख्य रस्त्यावरील कासार वेटाळ परिसरातील नालीवरील ढापा क्षतिग्रस्त झाला असून, अपघाताची शक्यता वाढली आहे. कासार वेटाळ परिसरात मुख्य रस्त्यावर असलेला हा ढापा रस्त्याच्या वळणावर असल्यामुळे वाहनचालकांचा खड्डा चुकविताना कसरत करावी लागत आहे. त्यामुळे या ढाप्याची दुरुस्ती करण्याची मागणी होत आहे. (फोटो)
-----------------------------
भारतीय सैन्य दलात प्रथमेशची निवड
तेल्हारा : येथील शिवाजी हायस्कूलमधील माजी विद्यार्थी तथा राज्य खेळाडू प्रथमेश अंबादास तारमेकवार याची भारतीय सैन्य दलात खेळाडूकरिता असलेल्या राखीव जागांवर निवड झाली आहे. भारतीय सैन्य दलात खेळाडू आरक्षणमध्ये निवड झालेला हा तालुक्यातील पहिला खेळाडू आहे. (फोटो)
-------------------
चोहोगाव येथे खुलेआम चालतो वरली मटका
सायखेड : येथून जवळच असलेल्या चोहोगाव येथे खुलेआम वरली मटका सुरू आहे. याकडे पोलिसांचे दुर्लक्ष होत आहे. परिसरातील युवक व्यसनाधिन होत असल्याने ग्रामस्थांमधून नाराजीचा सूर उमटत आहे. त्यामुळे याकडे पोलिसांनी कारवाई करण्याची मागणी होत आहे.