संत गाडगेबाबा अमरावती विद्यापीठाचा युवा महोत्सव यंदा चिखलीला

२७ ते ३0 सप्टेंबर दरम्यान आयोजन.

अकोला, दि. २0 - संत गाडगेबाबा अमरावती विद्यापीठाच्या युवा महोत्सव २0१६-१७ चे आयोजन तात्यासाहेब महाजन कला व वाणिज्य महाविद्यालय, चिखली (बुलडाणा) येथे २७ ते ३0 सप्टेंबर रोजी केले आहे. विद्यापीठाच्या शारीरिक शिक्षण व रंजन मंडळ अंतर्गत युवा महोत्सव घेण्यात येईल.महोत्सवामध्ये एकांकिका, व्यंग लघुरूपक (स्किट), मूक लघुनाट्य (माईम), मिमिक्री, क्विज, वादविवाद स्पर्धा, वत्कृत्व स्पर्धा, शास्त्रीय नृत्य, लोकनृत्य-आदिवासी नृत्य, शास्त्रीय गायन, सुगम संगीत, समूहगान, पाश्‍चिमात्य गायन, पाश्‍चिमात्य समुहगान, शास्त्रीय वादन, ऑन द स्पॉट पेंटींग, कोलाज, पोस्टर मेकिंग, क्ले मॉडेलिंग, काटरूनिंग, रांगोळी, फोक, ऑर्केस्ट्रा स्पर्धा घेण्यात येतील. युवा महोत्सवासंबंधी अधिक माहितीकरिता शारीरिक शिक्षण व रंजन मंडळाचे सांस्कृतिक समन्वयक प्रा. एम.टी. देशमुख, संचालक डॉ. अविनाश असनारे , डॉ. अ.ब. तारे, शि.प्र.मं.चे स्व. तात्यासाहेब महाजन कला व वाणिज्य महाविद्यालयाचे प्रा.डॉ. प्रफुल्ल गवई किंवा संबंधित महाविद्यालयात संपर्क साधावा.