काय करता येणार व काय नाही...
यंदा कोविड-१९ चा प्रादुर्भाव टाळण्यासाठी मोठ्या प्रमाणात एकत्र न येता साधेपणाने शिवजयंती उत्सव साजरा करावा, असे आवाहन जिल्हा प्रशासनाकडून करण्यात आले आहे.
सार्वजनिक ठिकाणी पोवाडे, व्याख्यान, गाणे, नाटक इत्यादींचे सादरीकरण अथवा इतर सांस्कृतिक कार्यक्रमांचे आयोजन करण्यात येऊ नये. त्याऐवजी कार्यक्रमाचे केबल नेटवर्क अथवा ऑनलाईन प्रक्षेपण करावे.
प्रभात फेरी, बाईक रॅली, मिरवणुका काढण्यात येऊ नयेत; त्याऐवजी छत्रपती शिवाजी महाराजांच्या पुतळ्याला अथवा प्रतिमेला पुष्पहार अर्पण करावे.
शारीरिक अंतर, मास्क व सॅनिटायझर या त्रिसूत्रीय नियमांचे पालन करून १०० व्यक्तींच्या उपस्थितीत शिवजयंती साजरी करण्याची परवानगी देण्यात येत आहे.
आराेग्यविषयक उपक्रमांना प्राधान्य द्या
शिवजयंतीच्या दिवशी आरोग्यविषयक उपक्रम, शिबिरे (उदा. रक्तदान) आयोजित करण्यास प्राधान्य द्यावे, असे आवाहन जिल्हा प्रशासनाकडून करण्यात आले. कोरोना, मलेरिया, डेंग्यू आदी आजार आणि त्यांचे प्रतिबंधात्मक उपाय तसेच स्वच्छता याबाबत जनजागृती करण्यात यावी, आरोग्यविषयक उपक्रमांचे आयोजन करताना त्या ठिकाणी शारीरिक अंतर तसेच स्वच्छतेचे नियम (मास्क, सॅनिटायझर इत्यादी) काटेकोरपणे पालन करावे, असेेही आवाहन करण्यात आले आहे.