ऑनलाइन जुगार अड्ड्यावर छापा!

खदान पोलीस स्टेशनच्या हद्दीतील सिंधी कॅम्पमधील अब्दुल कलाम आझाद व्यापारी संकुलामधील एका गाळ्यात ऑनलाइन गेम‘फन अँड जॉय’ यावर ऑनलाइनद्वारे जुगार सुरू असल्याची गुप्त माहिती खदान पोलिसांना मिळाली. या माहितीवरून पाेलिसांनी धाड टाकून संगणकाद्वारे ऑनलाइन जुगार सुरू असल्याचे दिसून आल्याने, जुगार चालविणारा वाशिम जिल्ह्यातील मोहगांव येथील रहिवासी प्रकाश भीमराव इंगोले याला अटक करण्यात आली. या कारवाईत रोख रक्कम, संगणक संच असा एकूण ३९ हजार ८८० रुपयांचा मुद्देमाल जप्त करून, प्रकाश इंगोले विरोधात जुगार प्रतिबंधक कायद्याखाली गुन्हा दाखल करून त्याला अटक करण्यात आली. ही कारवाई खदान पोलीस स्टेशनचे पोलीस निरीक्षक श्रीरंग सणस यांच्या मार्गदर्शनाखाली गुन्हे शोध पथकाच्या वतीने करण्यात आली आहे.