अकोला: स्टील प्लेटचे गर्डर टाकण्याचे काम सुरू होत असल्याने खंडवा रेल्वे मार्गावर ५ डिसेंबर रोजी आणि ८ डिसेंबर रोजी काही काळासाठी लोहमार्ग पॉवर ब्लॉक करण्यात येणार आहे.५ डिसेंबर रोजी खंडवा रेल्वे स्टेशनवर १०.३५ ते १६.२५ पर्यंत धावणाऱ्या गाड्या रद्द करण्यात आल्या आहेत. ५ डिसेंबर रोजी प्रस्थान करणारी ५११८७ क्रमांकाची डाउनकडे जाणारी भुसावळ-कटनी रेल्वेगाडी रद्द करण्यात आली आहे. तसेच ८ डिसेंबर रोजी धावणारी ५११८८ क्रमांकाची अपकडे जाणारी भुसावळ रेल्वेगाडीदेखील रद्द केली गेली आहे. त्याच सोबत ५१६८६ अपची आणि ५१६८५ क्रमांकाची खंडवा-बीर रेल्वेगाडीही रद्द करण्यात आली आहे.५ डिसेंबर रोजी धावणारी ११०६७ क्रमांकाची लोकमान्य टिळक टर्मिनल-फैजाबाद साकेत एक्स्प्रेस १४.०० ते १६.२५ पर्यंत बगमार स्टेशनवरून सोडली जाईल. १२७७९ क्रमांकाची वास्को निजामुद्दीन गोवा एक्स्प्रेस १४.३५ ते १६.२५ थांबवून पाठविली जाईल. १५०१७ क्रमांकाची लोकमान्य टिळक टर्मिनल-गोरखपूर काशी एक्स्प्रेस १५.३५ ते १६.२५ थांबवून मांडवा स्टेशनवरून सोडण्यात येईल. प्रवाशांना होणाºया असुविधेबाबत रेल्वे मंडळाने दिलगिरी व्यक्त केली आहे.
भुसावळ-नागपूर पॅसेंजरही रद्द
मध्य रेल्वे विभागात काही तांत्रिक आणि देखभालीसाठी ५ डिसेंबरची भुसावळ-नागपूर पॅसेंजर गाडी रद्द करण्यात आली आहे. ५१२८५ क्रमांकाची डाउनकडे धावणारी भुसावळ-नागपूर पॅसेंजर रेल्वे आणि ५१२८६ क्रमांकाची भुसावळ पॅसेंजर रेल्वे रद्द करण्यात आल्याचे भुसावळ रेल्वे मंडळाकडून कळविण्यात आले आहे.