पोलिसांच्या सतर्कतेने विद्यार्थ्यास दुचाकी परत

खामगाव येथील विद्यार्थी महाराष्ट्र लोकसेवा आयोगाची परीक्षा देण्यासाठी अकोला येथील शिवाजी महाविद्यालयात आला असता त्याने त्याची मोटरसायकल क्र. MH 28 AH 7877 पार्क करून परीक्षा संपल्यानंतर परत आला असता त्याला मोटरसायकल दिसून आली नाही, कोणीतरी चुकीने घेऊन गेला असेल असे समजून त्याने आजूबाजूला शोध घेतला असता मिळून न आल्यामुळे त्याने पोलीस स्टेशन रामदास पेठ येथे लेखी तक्रार दिली असता तक्रार नोंदवून रामदास पोलीस स्टेशनचे पोलीस अंमलदार ह्यांनी शोध सुरू केला. दरम्यान वाशिम बायपास चौकात शहर वाहतूक शाखेचे पोलीस अंमलदार शेख फराज शेख सरफराज हे कर्तव्य बजावत असताना त्यांना एक मोटरसायकलस्वार येताना दिसला, कागदपत्रे चेक करण्यासाठी त्याची मोटरसायकल त्याने हळू केली व कागदपत्रे जवळ नसल्याने न थांबता तसाच पुढे मोटरसायकल वेगाने पळविली, वाहतूक पोलिसाला संशय आल्याने त्यांनी सदर मोटरसायकलस्वार ह्याचा पाठलाग केला असता त्याने सदर मोटरसायकल सरकारी बगीचाजवळ सोडून पळून गेले, मोटारसायकलचा मूळ मालक सागर पाटील ह्याला माहिती दिली असता तो त्वरेने अकोला येथे येऊन वाहतूक कार्यालयात आला. रामदास पेठ पोलीस स्टेशनला सदर माहिती देऊन मोटरसायकल त्यांच्या ताब्यात देण्यात आली.