चिमुकलीचा विनयभंग करणारा वृद्ध गजाआड

अकोल्यातील घटना; कुंभारी येथून वृद्धास अटक.

अकोला: पाच वर्षीय चिमुकल्या मुलीला उचलून तिला बाथरूममध्ये नेऊन तिचा विनयभंग करणार्‍या वृद्धास सिव्हिल लाइन पोलिसांनी मंगळवारी दुपारी कुंभारी येथून अटक केली. बुधवारी पोलीस या वृद्धास न्यायालयात हजर करतील. शहरालगत असलेल्या एका गावामधील घरासमोरील अंगणामध्ये १७ डिसेंबर रोजी दुपारी ४ वाजताच्या सुमारास एक पाच वर्षीय चिमुकली खेळत असताना, घरमालकाचा भाऊ गजानन महादेव चित्रे(५७) याने मुलीला उचलून बाथरूममध्ये नेले. तिथे मुलीवर अतिप्रसंग करण्याचा प्रयत्न केला. परंतू चिमुकल्या मुलीने वेळीच आरडाओरड केल्याने आजूबाजूला असलेल्या महिला बाथरूमजवळ गोळा झाल्या. त्यांनीही आरडाओरड सुरू केली. य ा प्रकारामुळे घाबरलेला वृद्ध चिमुकलीसह बाथरूममधून बाहेर आला आणि पळून गेला. मुलीच्या आईच्या तक्रारीनुसार सिव्हील लाईन पोलिसांनी आरोपी वृद्धाविरुद्ध भादंवि कलम ३५४ नुसार गुन्हा दाखल केला. मंगळवारी पोलिसांनी गजानन चित्र्याला गावातून अटक केली. बुधवारी त्याला न्यायालयासमोर हजर करण्यात येईल.