................
वृक्ष संवर्धन अभियानासाठी बैठक
अकोला : निसर्ग वैभव व अन्य पर्यावरण व निसर्ग संगोपन क्षेत्रातील संस्था संघटनांच्या वतीने वृक्षलागवड मोहीम महानगरातील सर्व वस्त्यात जोमाने सुरू करण्यात येणार आहे.
शहरातील मोकळ्या जागेमध्ये जिथे फेसिंग, पाण्याचे नियोजन, ड्रीपची सोय आहे तिथे मोठ्या प्रमाणात वृक्षारोपण तसेच वृक्ष संगोपन करण्यासाठी नियोजन व चर्चात्मक बैठकीचे २ जुलै रोजी आयाेजन केले आहे.
.............
राष्ट्रवादीने बंडातात्यांची माफी मागावी
अकोला : राष्ट्रवादी काँग्रेस पक्षाचे प्रवक्ते विलास लवांडे यांनी वारकरी संप्रदायाचे बंडातात्या कराडकर यांच्याबद्दल निंदनीय भाषेत वक्तव्ये केली आहेत. या प्रकाराचा भाजपाच्या अध्यात्मिक आघाडीने निषेध केला असून राष्ट्रवादी काँग्रेस पार्टीने जाहीर माफी मागावी, अशी मागणी केली आहे.
...................
नाभिक दुकानदार संघटना कार्यकारिणी घोषित
गजानन वाघमारे यांना अध्यक्षपदी पुनर्नियुक्ती
अकोला : शहरातील नाभिक दुकानदारांनी एकत्र येऊन संघटना अधिक मजबूत करण्यासाठी अकोला जिल्ह्याची जम्बो कार्यकारिणी निवडली आहे. संघटनेने गजानन वाघमारे यांची अध्यक्षपदी पुनर्नियुक्ती केली आहे तर उपाध्यक्ष म्हणून पांडुरंग मानकर, सचिवपदी गजानन धामणकर आदींसह कार्यकारिणी निवड करण्यात आली या नियुक्तीसह जिल्ह्यातील कार्यकारिणीसोबतच तालुक्याचे अध्यक्ष यांचीही निवड करण्यात आली. बाळापूर-परशुराम सुरळकर, पातूर-विजय अंबुस्कर, अकोट-संतोष हिरपूरकर, तेल्हारा-अशोकराव पिंपळकार, मूर्तिजापूर-संतोष रुद्रकार, बार्शीटाकळी-श्रावण भातखडे, अकोला शहर राजेश श्रीवास्तव, अकोला ग्रामीण माधव अंबुस्कर आदींचा समावेश आहे. याच बैठकीत जिल्ह्यातील नाभिक दुकानदार संघटनेच्या रेट बोर्डला अंतिम रूप देण्यात आले आहे.
...............
----------------------------------------------------------------------------------------------------------------------
मनपात स्‍व. वसंतराव नाईक जयंती साजरी
अकोला : महानायक, हरितक्रांतीचे प्रणेते स्‍व. वसंतराव नाईक माजी मुख्यमंत्री महाराष्ट्र राज्‍य यांच्या जयंतीनिमित्त अकोला महानगरपालिकेच्‍या डॉ. बाबासाहेब आंबेडकर मुख्य सभागृह येथे आयोजित कार्यक्रमामध्‍ये मनपा कर अधीक्षक विजय पारतवार यांच्या हस्‍ते त्‍यांच्‍या प्रतिमेचे पूजन व माल्‍यार्पण करण्यात आले. यावेळी मंगेश जाधव, राजू कोंडाने, संजय चव्‍हाण, राजेश सोनाग्रे, किशोर सोनटक्के, मोहन दोर्वेकर व इतर कर्मचाऱ्यांची उपस्थिती होती.