भूमी अभिलेखाची माहिती मिळणार ‘वेबसाईट’वर!

अकोला जिल्हय़ातील भूमी अभिलेखासंबंधीची माहिती जिल्हा अधीक्षक भूमी अभिलेख कार्यालयाच्या ‘वेबसाईट’वर लवकरच उपलब्ध होणार आहे.

अकोला : जिल्हय़ातील भूमी अभिलेखासंबंधीची माहिती जिल्हा अधीक्षक भूमी अभिलेख कार्यालयाच्या ह्यवेबसाईटह्णवर लवकरच उपलब्ध होणार आहे. त्यामुळे शेती, प्लॉट व इतर मालमत्तासंबंधीची माहिती या वेबसाईटच्या माध्यमातून मालमत्ताधारकांना बघण्यासाठी उपलब्ध होणार आहे.जिल्हय़ातील शेती, प्लॉट, भूसंपादन मोजणी प्रकरणे, नझूल फेरफार व इतर प्रकारची भूमी अभिलेखासंबंधीची माहिती भूमी अभिलेख विभागाच्या जिल्हा अधीक्षक कार्यालयाला वरिष्ठांकडे सादर करावी लागते. त्यासाठी लागणारी माहिती या कार्यालयाला जिल्हय़ातील तालुकास्तरावर असलेल्या उपअधीक्षक (भूमी अभिलेख) कार्यालयाकडून वारंवार मागितली जाते. त्यामध्ये जिल्हा अधीक्षक भूमी अभिलेख कार्यालयाचा बराच वेळ जातो. तसेच वेळेवर घेण्यात येणारी माहिती अचूक आहे की नाही ते तपासून पाहावी लागते. या पृष्ठभूमीवर यापुढे जिल्हा अधीक्षक भूमी अभिलेख कार्यालयाला वारंवार जिल्हय़ातील भूमी अभिलेख विभागाच्या कार्यालयाला माहिती मागविण्याची आता गरज पडणार नाही. जिल्हा अधीक्षक भूमी अभिलेख कार्यालयामार्फत ह्यडीएसएलआर अकोला डॉट इनह्ण ही वेबसाईट तयार करण्यात आली असून, या वेबसाईटवर भूमी अभिलेख विभागाच्या तालुक्यातील कार्यालयांमार्फत अद्ययावत माहिती उपलब्ध होणार आहे.कार्यालयीन माहितीसोबतच जिल्हा अधीक्षक भूमी अभिलेख कार्यालयाच्या या वेबसाईटवर शेती, प्लॉट, भूसंपादन मोजणी प्रकरणे, नझूल फेरफार (नमुना-ड),जमीन मोजणीचे शुल्क, नागरिकांची सनद, नक्कल शुल्क, सात-बारा उतारा इत्यादी संबंधीची माहिती जिल्हय़ातील मालमत्ताधारकांना माहितीसाठी उपलब्ध करून दिली जाणार आहे. भूमिअभिलेखाची माहिती वेबसाईटवर उपलब्ध झाल्यास भूमिअभिलेख विभागासह मालमत्ताधारकांच्या सोयीचे ठरणार आहे.