मूर्तीजापूरात १८ लाखांचा गुटखा पकडला; दोघांना अटक

मूर्तिजापूर : पोलिस अधिक्षकांच्या विशेष पथकाने शनिवारी पहाटे अमरावतीच्या दिशेने जात असलेल्या मालवाहू वाहनावर कारवाई करताना १८ लाख रुपयांचा गुटखा पकडला. ही कारवाई राष्ट्रीय महामार्गावरील अनभोरा गावाजवळ पहाटे ३ वाजताचे सुमारास करण्यात आली.अनभोरा जवळ एम एच २७ बी एक्स ००८३ क्रमांकाचे मालवाहू वाहन भरधाव आणि डोळा चुकवून जात असल्याचा संशय गस्तीवर असलेल्या पथकास आला. वाहनाचा पाठलाग करुन तपासणी केली असता त्या वाहनात अवैध गुटखा वाहून नेत असल्याचे लक्षात आले. अधिक तपासणी केली असता प्रतिबंधीत गुटख्याची १८ लाख ९० हजार किंमतीची गुटखा भरलेली २५ पोती आढळून आली. तसचे मालवाहू वाहन किंमत ६ लाख रुपये असा एकून २४ लाख ९० हजार रूपयांचा ऐवज जप्त करण्यात आला. मालवाहू वाहनाचा चालक ऐफाज खान एजाज खान (२४)रा.ताज नगर अमरावती व क्लिनर अमिनुउल्ला खान शमीउल्ला खान (२४) रा अकबर नगर अमरावती यांना पुढील कार्यवाही करीता मूर्तिजापुर ग्रामीण पोलीसांच्या ताब्यात देण्यात आले आहे. (शहर प्रतिनिधी)