पाच तलवारी, खंजीर जप्त

स्थानिक गुन्हे शाखेची कारवाई.

अकोला: हिंगणा फाट्यानजीक मोर्णा नदीच्या पात्रातून स्थानिक गुन्हे शाखेने पाच तलवारी व एक खंजीर जप्त केला. खदान परिसरातील रहिवासी बावरी नामक आरोपीस पोलिसांनी अटक केली असून, त्याच्यावर खदान पोलीस ठाण्यात गुन्हा दाखल करण्यात आला आहे. कमलसिंह उमरावसिंह बावरी हा मोर्णा नदीपात्रात तीन तलवारी व खंजीर घेऊन असल्याची माहिती स्थानिक गुन्हे शाखेला मिळाली. यावरून स्थानिक गुन्हे शाखेच्या पथकाने त्याला ताब्यात घेऊन त्याच्याकडून पाच तलवारी व एक खंजीर जप्त केला. ही कारवाई स्थानिक गुन्हे शाखा प्रमुख जितेंद्र सोनवणे यांच्या मार्गदर्शनात एपीआय नीतीन नागलकर व कर्मचार्‍यांनी केली.