आगीत दुकानांसह घर भस्मसात!

२0 लाखांचे नुकसान, जीवितहानी नाही.

वाशिम: येथील टिळक बागेसमोरील दुकाने व घराला अचानक आग लागल्याची घटना शनिवारी मध्यरात्रीनंतर १२.१५ वाजताच्या सुमारास घडली. सदर घटनेत तीन दुकाने व एक घर आगीत भस्म झाले असून, २0 लाखांचे नुकसान झाल्याचा प्राथमिक अंदाज आहे. प्रसंगावधान राखल्यामुळे सुदैवाने जीवितहानी टळली. शहरातील वाशिम अर्बन बँकेजवळील साडी सेल, कुशन वर्क्‍स आणि ऑनलाइन लॉटरी सेंटर व फर्निचरच्या दुकानासह एका घराला अचानक आग लागली. ही घटना शनिवारी मध्यरात्री १२.१५ ते १२.३0 वाजता घडली. आग एवढी भीषण होती की, यामध्ये चार दुकाने व एक घर स्वाहा झाले. आग दिसताच नगर परिषदेच्या अग्निशामक दलास पाचारण करण्यात आल्यामुळे मोठा अनर्थ टळला. आग लागण्याच्या घटनेची वार्ता कळताच समाजसेवक नितीन उलेमाले, शंकर वानखेडे, अरुण नागुलकर, नितीन कदम यांच्यासह परिसरातील नागरिकांनी आग विझविण्यासाठी आटोकाट प्रयत्न केले. अग्निशामक दल व पोलीस विभागाने त्वरित घटनास्थळी पोहोचून दोन तास परिङ्म्रमानंतर आग आटोक्यात आणली.