अकोला : महिला व बालकल्याण विभागामार्फत राबविण्यात येत असलेल्या सायकल व शिलाई मशीन वाटप योजनेचा निधी जिल्ह्यातील पंचायत समिती स्तरावर वितरीत करण्याचा ठराव जिल्हा परिषद महिला व बालकल्याण समितीच्या सभेत शुक्रवारी मंजूर करण्यात आला.जिल्हा परिषद महिला व बालकल्याण विभागामार्फत राबविण्यात येणाऱ्या सायकल व शिलाई मशीन वाटप योजनेंतर्गत लाभार्थ्यांकडून अर्ज मागविण्यासाठी विभागामार्फत तयार करण्यात आला असून, या अर्जाच्या प्रारुप नमुन्यास या सभेत मान्यता देण्यात आली. महिला व बालकल्याण विभागामार्फत राबविण्यात येणाºया योजनांच्या मुद्दयावर या सभेत चर्चा करण्यात आली. महिला व बालकल्याण सभापती देवका पातोंड यांच्या अध्यक्षतेखाली पार पडलेल्या या सभेला समितीचे सदस्य आणि संबंधित अधिकारी उपस्थित होते.वंचित लाभार्थ्यांना सायकल वाटप करणार !जिल्हा परिषद महिला व बालकल्याण विभागामार्फत सन २०१७-१९ या वर्षात राबविण्यात आलेल्या सायकल वाटप योजनेंतर्गत जिल्ह्यातील ज्या लाभार्थ्यांना योजनेचा लाभ मिळाला नाही, अशा वंचित लाभार्थ्यांना सायकल वाटप योजनेचा लाभ देण्याचेही समितीच्या सभेत ठरविण्यात आले.