अकोला : जिल्ह्यात कोरोनाचा विळखा सैल झाला असून, मंगळवार, १३ जुलै रोजी आरटीपीसीआर चाचण्यांमध्ये पाच, तर रॅपिड अँटिजन चाचण्यांमध्ये तीन असे एकूण आठ नवे पाॅझिटिव्ह रुग्ण आढळून आले. दरम्यान, तापडियानगर येथील ३३ वर्षीय पुरुषाचा मृत्यू झाल्याने कोरोना बळींचा आकडा १,१३१ झाला आहे.
शासकीय वैद्यकीय महाविद्यालयाच्या व्हीआरडीएल लॅबकडून मंगळवारी एकूण ५०६ जणांचे चाचणी अहवाल प्राप्त झाले. यामध्ये मूर्तिजापूर येथील १, बाळापूर २ व अकोला मनपा क्षेत्रातील २ असे पाच पॉझिटिव्ह आढळून आले. तर रॅपिड टेस्टमध्ये तीन जणांचे अहवाल पॉझिटिव्ह आले. दरम्यान, पाच जणांना डिस्चार्ज देण्यात आला.
४५ जणांवर उपचार सुरू
जिल्ह्यात एकूण पॉझिटिव्ह अहवालांची एकूण संख्या ५७,६९७ आहे. तर ५६,५२१ जणांना डिस्चार्ज देण्यात आला असून, सद्यस्थितीत ४५ जणांवर उपचार सुरू आहेत.