मुख्यमंत्री घेणार मनपाचा आढावा

बुधवारी मुंबईत बैठक; अकोला मनपाच्या हद्दवाढीक डे नागरिकांचे लक्ष!

अकोला, दि. २२ : महापालिका क्षेत्रात स्वच्छ महाराष्ट्र अभियान अंतर्गत उभारल्या जाणार्‍या वैयक्तिक शौचालयांच्या कामासह राष्ट्रीय नागरी उपजीविका अभियान, घनकचरा व्यवस्थापन आदींसह विविध मुद्यांचा मुख्यमंत्री देवेंद्र फडणवीस २४ ऑगस्ट रोजी मुंबईत आढावा घेणार आहेत. बैठकीसाठी आयुक्त अजय लहाने उपस्थित राहतील. पालिकेच्या हद्दवाढीवर ठोस निर्णय होण्याचे संकेत असल्याने या बैठकीकडे सर्वांचे लक्ष लागले आहे. केंद्र शासनाच्या ह्यस्वच्छ भारतह्णअभियानच्या धर्तीवर राज्य शासनाने ह्यस्वच्छ महाराष्ट्रह्णअभियान सुरू केले. शहरात निर्माण होणारा कचरा,घाणीला आळा घालण्यासाठी शासन आग्रही आहे. उघड्यावर शौच करण्याच्या प्रकारावर कायमस्वरूपी बंदोबस्त म्हणून वैयक्तिक शौचालय उभारण्याचे शासनाचे निर्देश आहेत. मनपा प्रशासनासमोर १0 हजार ७७८ शौचालयाचे उद्दिष्ट आहे. यापैकी ६ हजार ७३ शौचालयांची बांधकामे पूर्ण झाली आहेत. राष्ट्रीय नागरी उपजीविका अभियान अंतर्गत बेघर व्यक्तींचा शोध घेऊन त्यांना निवारा उपलब्ध करून देणे, सुशिक्षित बेरोजगारांचा शोध घेऊन त्यांना रोजगार उपलब्ध करून देण्यासह दारिद्रय़ जीवन जगणार्‍या नागरिकांचा शोध घेऊन त्यांना अभियान अंतर्गत लाभ करून देण्याचा समावेश आहे. यांसह विविध मुद्यांचा येत्या बुधवारी मुख्यमंत्री आढावा घेणार आहेत. त्यानुषंगाने मनपा आयुक्त अजय लहाने मंगळवारी मुंबईकडे रवाना होतील. आयुक्तांनी घेतला आढावा वैयक्तिक शौचालय, राष्ट्रीय नागरी उपजीविका अभियान, पाणीपुरवठा वितरण प्रणालीची कामे, पंतप्रधान आवास योजनेसह विविध विषयांचा मुख्यमंत्री आढावा घेणार असल्याने महापालिका आयुक्त अजय लहाने यांनी संबंधित सर्व विभाग प्रमुखांची सोमवारी त्यांच्या दालनात बैठक घेऊन कामकाजाचा आढावा घेतला. हद्दवाढ होईल का? येत्या १ सप्टेंबरपर्यंत मनपा हद्दवाढीची प्रक्रिया पूर्ण करण्याचे निर्देश निवडणूक आयोगाने शासनाला दिले आहेत. त्या पृष्ठभूमिवर हद्दवाढीच्या फाइलचा प्रवास वेगात सुरू आहे. मुंबईत आयोजित आढावा बैठकीत मुख्यमंत्री हद्दवाढीसंदर्भात सकारात्मक निर्णय घेण्याचे संकेत आहेत.