--------------------
पूरग्रस्तांना ब्लॅंकेटचे वाटप
बाळापूर: तालुक्यात २१ जुलै रोजी झालेल्या ढगफुटीसदृश पावसामुळे रिधोरासह व्याळा येथे ग्रामस्थांच्या घरात पाणी शिरल्याने धान्य, वस्त्रे वाहून गेली. पूरग्रस्तांना सावित्रीबाई फुले शिक्षण प्रसारक मंडळाच्या वतीने सचिव धनंजय सिरस्कार, अमित हिवरे, सचिन धनोकार यांच्याहस्ते ब्लॅंकेटचे वाटप करण्यात आले. यावेळी पूरग्रस्त नागरिकांनी समाधान व्यक्त केले. (फोटो )
शिवसेनेतर्फे शिवसंपर्क अभियान सप्ताह
तेल्हारा: शिवसेना पक्षप्रमुख तथा मुख्यमंत्री उद्धव ठाकरे यांच्या आदेशानुसार, राज्यभर शिवसंपर्क अभियान राबविण्यात येत आहे. तेल्हारा तालुका व शहरात शिवसेनेतर्फे शिवसंपर्क अभियान सप्ताह राबविण्यात आला. या अभियानांतर्गत सर्कल व शहरातील प्रत्येक प्रभागात शिवसेना, युवासेनेच्या पदाधिकाऱ्यांनी सामान्य नागरिकांच्या समस्या जाणून घेणे, त्याचे निराकरण करणे, तसेच ज्येष्ठ शिवसैनिकांचा सत्कार घेणे, पक्ष संघटनेला बळकटी देणे आदीसाठी उपजिल्हाप्रमुख दिलीप बोचे यांच्या उपस्थितीत शिवसेना तालुका व शहर पदाधिकाऱ्यांच्या वतीने अभियान राबविण्यात आले. यावेळी जि.प. सदस्य उपतालुका प्रमुख संजय अढाऊ, तालुका समन्वयक प्रवीण वैष्णव, अजय गावंडे, गोपाल विखे, पुरुषोत्तम पाटील गावंडे, शिव कुकडे, रमेश धामोळे, जि.प.सर्कल प्रमुख गणेश तिव्हाणे, ज्ञानेश्वर आखरे, नितीन बाळापुरे, सहसमन्वयक नंदकिशोर निमकर्डे, विक्रांत शिदे, युवासेना प्रवक्ते सचिन थाटे, पप्पूशेठ सोनटक्के, राजेश वानखडे, पं.स. सर्कल प्रमुख अतुल घंगाळ, संजय लांडे, विजय नवलकार, हिवरखेडचे आकाश इगळे, युवासेना तालुका समन्वयक बंटी राऊत, नीलेश उमाळे, राम वाकोडे, अंकुश निळे, माहोरे, शाहीद भाई, दिलीप गावंडे, प्रशांत काईंगे, सुधाकर हागे, गजानन मोरखडे, गौतम दामोदर, प्रज्ज्वल मोहोड, संजय भोपळे, रहेमान शाह, सूरज देशमुख, गौरव धुळे, आदेश महल्ले, संभाजी वानखडे, राजेश अढाऊ आदी उपस्थित होते. (फोटो)